DA MAGDUGANG OG MGA PROYEKTONG FARM TO MARKET ROADS SA LUNGSOD SA NUNUNGAN SA LANAO DEL NORTE

Magdugang og mga proyektong mga farm to market roads sa Lungsod sa Nunungan sa Lanao del Norte ang DA.Kini human ang gipahigayon sa Local Government Unit sa Nunungan sa Lanao del Norte kauban ang Regional Agricultural Engineering Division (RAED) sa Department of Agriculture, ang validation sa mga possibleng himuong mga Farm-to-Market Road o FMR projects sa maong lungsod.

Lakip sa ilang gisubay ang mga dalan sa Rebucon to Dimayon nga adunay gitas-on nga 2 kilometro, ug ang Waterpoint to Dimayon nga mokabat usab og 4 kilometro.

Gipangunahan ang maong validation nila Engr. Asnafe Maruhom ug Engr. Jared Mustapha isip kabahin sa inisyal nga assessment alang sa mga prayoridad nga FMR developments projects sa Nunungan.

Ang Farm-to-Market Roads adunay dakong papel sa pagpalambo sa sektor sa agrikultura tungod kay mas mapadali niini ang pagdala sa mga produkto sa mga mag-uuma padulong sa mga merkado, samtang mapakunhod usab ang gasto sa farm inputs ug transportasyon.

Padayon usab nga giuna sa LGU Nunungan ubos sa liderato nila Mayor Alliah Mamay ug VM Marcos Mamay ang maong mga proyekto aron masuportahan ang mga kaayohan ug kalambuan sa mga mag-uuma sa maong lungsod.