MAYOR LOVELY DIMAKUTA SA LUNGSOD SA TAGOLOAN LANAO DEL NORTE, NANGUNA SA ROAD SITE INSPECTION PROJECT

Nanguna si Mayor Lovely Dimakuta sa site inspection sa nagpadayong Farm-to-Market Road concreting project sa Barangay Malimbato, Tagoloan Lanao del Norte bag-uhay pa lamang.

Kauban sa Mayor sa maong road inspeksyon ang iyang  Vice Mayor nga si Maminta Dimakuta, diin ilang nakita ang padayon nga pagtrabaho sa maong mga dalan ug isa kini sa ilang gisaad nga suporta alang sa kaayohan sa katawhan sa maong Lungsod.

Butyag ni Mayor Dimakuta nga ang tinuod nga serbisyo publiko dili angay mapugngan sa bisan unsang mga pagsulay ug ang  politikal nga kolor ug nagpasalig kini nga ilang ipadayon ang ilang paningkamot para sa pagpalambo sa Lungsod sa Tagoloan ilabina sa natad sa mga imprastruktura ug paghatag og panginabuhian sa komunidad.