MGA KOOPERATIBA SA LALA GIPAHINUMDOMAN SA DEADLINE SA ILANG ANNUAL MANDATORY REPORT KARONG MAYO 31 2026

Nanawagan si SBM Allan Guzman, Chairman sa Committee on Agriculture and Cooperative, ngadto sa tanang kooperatiba sa Lungsod sa Lala nga lihokon na ang ilang mga obligasyon sa gobyerno.

Sumala sa pahibalo nga gipagawas pinaagi sa Coop Coordinator nga si Ma’am Fe O. Padilla, ang deadline sa pagsumite sa Annual Mandatory Report ngadto sa Cooperative Development Authority o CDA, karong Mayo 31, 2026.

Apil sa mga gikinahanglan isumite ang Audited Financial Report, Performance Audit, Social Performance Report, listahan sa mga trainings nga gipahigayon, ug Sworn Statement nga gikinahanglan nga notarized o pirmado sa abogado.

Gipasidan- an nga ang dili makatuman sa takdang oras posibleng makasinati og penalty ug makaapekto sa kooperatiba.

Samtang, nagmalampuson ang gipahigayong Pre-Membership Education Seminar didto sa LAFICO Pacita niadtong Mayo 1, kabahin sa pagpalig-on sa sektor sa maong kooperatiba.

Giawhag ang tanang kooperatiba nga makig-coordinate sa ilang mga Coop Office alang sa dugang mga kasayuran.

Gipahinumdomvusab nga siguruhon nga kompleto ang mga dokumento sa dili pa isumite aron malikayan ang kalangan sa pagkuha sa Compliance Certificate.