PEOPLE'S LAW ENFORCEMENT BOARD KON (PLEB) GITUKOD SA LUNGSOD SA LALA PINAAGI SA BAG-ONG ORDINANSA

Opisyal nang gipasar sa Sangguniang Bayan sa Lala ang usa ka Municipal Ordinance Number 02 Series of 2026 nga nagtukod sa People’s Law Enforcement Board o PLEB sa maong Lungsod.

Tumong sa PLEB ang pagdawat ug paghusay sa mga reklamo sa mga sibilyan batok sa mga miyembro sa Philippine National Police o PNP, ilabi na sa mga kaso nga may kalabutan sa internal nga disiplina sa kapulisan.

Si SB member Dick Avila Salimbangon ang sponsor sa maong ordinansa, usa kini ka national law , ug subay sa maong ordinansa, ang board adunay gahum sa pag-adjudicate sa mga kaso nga pormal nga ipasaka o gi-refer batok sa usa kapulisan ug base usab kini sa mga balaod sama sa RA 6975 ug RA 8551.

Lakip sa mga kasong sakop niini ang mga minor offenses sama sa negligence, insubordination, habitual drunkenness ug uban pang paglapas sa disiplina sulod sa police organization.

Ang mga membro sa People’s Law Enforcement Board kon PLEB mao sila, ABC Pres. Angie Yap isip maoy Chairman,samtang Vice Chairman si SB member Dick Avila Salimbangon, membro usab sila Roldan Mutia, Vilma Madrona, Myrna Undag,samtang si Marvin Barba ang nahimong PLEB secretary.

Pinaagi niini, gilauman sa LGU Lala nga mapalig-on ang accountability sa kapulisan ug mas mapadali ang paghatag hustisya sa katawhan sa Lala.

Samtang gibutyag ni SB member Dickyam Avila Salimbangon nga ang mga member sa PLEB ang magdesisyon kung angayan bang i dismiss o dili ang mga kaso nga gi-atubang sa mga membro sa kapulisan nga nagkasala.